शब्दतरंग : विचारांना दिशा देणारे कोटस

.’कोट्स’ म्हणजे एक गुंफलेला विचार, की जो वाचणाऱ्याला पुन्हा विचारमग्न करतो. ‘कोट्स’ हे खूप कमी शब्दांत खूप मोठं सत्य सांगून जातात आणि आयुष्याकडे वस्तुनिष्ठ रीतीने पाहायला भाग पाडतात. ‘कोट्स’ प्रेरणा देतात, ‘कोट्स’ प्रोत्साहन देतात आणि ‘कोट्स’ ऊर्जासुद्धा देतात. ‘शब्दतरंग’ हे पुस्तक म्हणजे तीनशेएक विचारांचा किंवा ‘कोट्स’चा संग्रह आहे. लेखकाला त्याच्या स्वतःच्या अनुभवविश्वातून जे उमजलं आणि सुचलं, ते त्याने शब्दबद्ध करून आपल्यासमोर मांडण्याचा प्रयत्न केला आहे. एकंदरीत, ‘शब्दतरंग’ हे पुस्तक आयुष्याकडे एका नव्या उमेदीने आणि सकारात्मक दृष्टीने कसं पाहावं हे शिकवतं.